Tabassum sehri!
Tabassum qilinglar degan edi
Olamlarga rahmat bo’lib kelgan Payg’ambarimiz Muhammad Alayhissalom (S.A.V).
Bu gapning asl mohiyatini men
dastlab to’liq tushunib etmagan edim. Ammo keyinchalik bildimki tabassum
bir-birimizga bo’lgan mehr-muhabbatni, oqibatni, va do’stlik tuyg’ularini
oshishiga olib kelar ekan. Hozirda bu sababni, o’zi musulmon bo’lmasada, butun
dunyo ahli tushunib amal qila boshlagan. Uzoqqa bormaylikda o’zimdan misol
keltirsam. Taqdir taqozosi bilan Malayziya davlatida bir yil yashadim. U erning
ham halqlari huddi biz kabi ko’p millatli va aholisining ko’pgina qismi
musulmonlarni tashkil qiladi. Eng muhim jihati ular ko’p millatli bo’lishiga
qaramasdan huddi biz kabi o’zaro do’stona kayfiyatda yashaydilar. Malayziya
halqlarining meni hayron qoldirgan jihati doimo bir-birlariga tabassum bilan
ro’baro’ bo’lishidir. Yani ro’parasidan kim chiqsa, u qora tanlimi, ko’zlari
qisiqmi, boymi, kambag’almi, erkakmi ayolmi baribir. Hamma bir biriga tabassum
qilgan holda qarashadi, so’zlashadi hayrlashadi va hokazo. Men ularning
madaniyatida ko’rgan jihatlarning eng yahshilaridan biri shu bo’ldi. Undan
tashqari bizdagi eng og’riqli “tochka” haydovchilik madaniyati! Ularning
haydovchilaridan o’rganadiganlarimiz judayam ko’p. Eng zaruri va foydalisi
bizda endi endi kuzatilayotgan “probkalar”. Yo’ldagi tiqilinchlarni ko’rib
hayron qoldim. Qachon etib borarkanman manzilga deb. Ular tiqilinchda turganda
umuman signal chalishmaydi, bitta qatordan boshqasiga umuman o’tmaydi. Ishoning
bitta mashina bu qatorda tursayu yonidagi qator bo’shab qolsa hech qachon
qoidani buzib boshqa qatorga o’tib olmaydi negadur ular. Katta yo’llarda bo’lsa
“jaywalk”larga yo’l berib kulib “how are you?” deb o’tib ketishadi kamiga bizni
hijolat qilib.
Bizning haydovchilar (o’zim ham)
ulardan ko’p narsani o’rgansak bo’lar ekan. Ayniqsa yo’lda haydovchilik
madaniyatini.
Ular bir – birlariga bo’lgan mehrni
etarlicha tasvirladim agar oshirvormagan bo’lsam. Shu tabassum sababli (har
qalay bu mening shaxsiy fikrim) u erda yashovchilarda men qand, “davleniya”,
asab kasalliklari bor odamlarni umuman uchratmadim. Bilmadim balkim bunga
iqlimi ham sababdir.
Hammamiz bilganimizdek Malayziya
rivojlangan davlatlar qatorida Osiyoda dastlabki o’rinlarda turadi. Shuning
uchun Malayziya shaxarlarining ko’chalarida dunyoning eng mashxur brendlarining
firma do’konlarini uchratish mumkin. Endi do’konmisan do’konda. Hatto o’sha
do’konlarda ham kiyinishidan sal sharoiti og’irligi bilinib turgan odamlar
kirsa ham puli ko’plarga qilinadigan muomala qiliniadi. Bu holatlar har qalay
boshimdan juda ko’p o’tgan.
Men bu fikrlarim bilan kimnidur
yomonlab yoki aksincha kimnidur osmonlarga olib chiqish emas balkim hammadan
faqat va faqat yahshi jihatlarni o’zlashtirish kerak demoqchi bo’ldim. Menimcha
eplolmadim.
Men yurtimizga qaytib kelganimizning
birinchi daqiqasidayoq tabassumning sehrini sezdim. Samolyot qo’nganidan so’ng
hammamizga ma’lum jarayonlar va ohiri bojhona tekshiruvi. Shunda hammaning
yuklarini sinchiklab tekshirib birma – bir o’tkizayotgan bojhona hodimiga
tabassum bilan:
-
Assalomalekum,
aka hormang
-
Salomat
bo’ling, sumkangizda nimalar bor?
-
Aka
shu o’zimni eski tuski kiyimlarim va albatta do’st birodarlarga olgan
sovg’alarim
degandim mayli o’ting tezroq dedi va meni indamasdan chiqarib yubordi. Men juda hursand bo’lib meni kutib turgan akamni oldiga yugurdim.
degandim mayli o’ting tezroq dedi va meni indamasdan chiqarib yubordi. Men juda hursand bo’lib meni kutib turgan akamni oldiga yugurdim.